რეგიონები
არავისთვისაა საიდუმლო, რომ ამ წამს საერთაშორისო მოგზაურობა ცოტა გართულებლია და სახლში ჯდომასაც უკვე ნელ-ნელა ვეჩვევით. გთავაზობთ 5 საუკეთესო დოკუმენტურ ფილმს, რომელიც აუცილებლად გაგიჩენთ მოგზაურობის სურვილს
1. Down to Earth with Zac Effron
ამ ადამიანს, ცოტა სხვა ამპლუაში ვიცნობთ, თუმცა ეს ნეთფლიქსის დოკუმენტური სერიალი ნამდვილად გაგაოცებთ და სხვა სახით დაგანახებთ მსახიობს.
სერიალში ზაკ ეფრონი მოგზაურობს დარინ ოლიენთან ერთად, რომელიც სერიალის პორდუსერი და ველნეს ექსპერტია. შოუს მიზანია, მაყურებელს დაანახოს ეკოლოგიურად სუფთა ცხოვრების დადებითი გავლენა კაცობრიობაზე და ამავდროულად შესთავაზოს სხვადასხვა მეთოდი და საშუალება ასეთი ცხოვრების სტილის მისაღწევად. მთლიანობაში კი უბრალოდ სასიამოვნოდ საყურებელი სერიალია.
სერია: 8
წელი: 2020 წ.
2. Street Food
Street-Food ასევე ნეთფლიქსის დოკუმენტური ფილმია, რომელსაც ვუწევთ რეკომენდაციას. სერიალი შედგება 9 სხვადასხვა აზიური ქვეყნის სამზარეულოსგან, როგორებიცაა: იაპონია, ტაილანდი, სამხრეთ კორეა, სინგაპური და სხვა. ამ სერიალში შეხვდებით რეცეპტებს, რომელსაც თაობებს გადასცემენ, ადამიანებს, რომლებიც საკუთარ საჭმელს რიტუალივით უყურებენ. სერიალი ფერადია, ეგზოტიკური და სასიამოვნო საყურებელი.
სერია: 9
წელი: 2019 წ.
3. Mountain
მთის მოყვარულთათვის, ეს ფილმი სულიშემძვრელი კადრების სერია არის, რომელიც მთხრობელის ხმისა, ფონური მუსიკისა და ულამაზესი კადრების მეშვეობით გამოგზაურებთ ყველაზე ცივ, შთამბეჭდავ და საშიშ ადგილებში.
ხანგრძლივობა: 73 წთ.
წელი: 2017 წ.
4. Momentum Generation
ეს ფილმი მოგვითხრობს მეგობარ სერფერებზე, რომლებიც ერთ სახლში ცხოვრობდნენ ჰავაიზე და ეუფლებოდნენ სერფერობის ხელოვნებას. მათ შორის იყო კელი სლეიტერი, მსოფლიოს 11 გზის ჩემპიონი სერფინგში. ფილმში ჩანს ის ხალისი, ტკივილი, ტრამვები და სხვა ემოციური კვანძები, რომელიც ამ სამეგობროსა და სერფინგს აკავშირებს. ეს დოკუმენტური ფილმი ყურებად ნამდვილად ღირს.
ხანგრძლივობა: 105 წთ.
წელი: 2018 წ.
5. Where To Invade Next
ეს ფილმი ეკუთვნის ოსკაროსან მაიკლ მურს, რომელიც ფილმში ცდილობს „შეიჭრას“ ევროპის სხვადასხვა ქვეყნაში და წამოიღოს უკან საუკეთესო ნაწილები იმისთვის, რომ ამერიკა კვლავ საუკეთესო გახადოს. ფილმს გასდევს ირონიული ელფერი, რაც ყურების პროცესს კიდევ უფრო სახალისოს ხდის.
ხანგრძლივობა: 120 წთ
წელი: 2015 წ.
თუ უპირატესობას მხატვრულ ფილმებს ანიჭებთ, მაშინ ნახეთ ჩვენი 5 საუკეტესო სამოგზაურო ფილმისგან შემდგარი სია.
