fbpx
19.8 C
Tbilisi
პარასკევი, ივნისი 18, 2021

ასტროფოტოგრაფია X დიმიტრი გოდერძიშვილი

წასაკითხი დრო: 3 წუთი

დიმიტრი გოდერძიშვილი

დიმიტრი გოდერძიშვილი დღისით ჰარდვეარ ინჟინერი, ღამით კი ასტროფოტოგრაფია.

ჩემი და ღამის ცის ურთიერთობა დაახლოებით 6 წლის წინ დაიწყო. პირველად სახლის ფანჯრიდან ვცადე ღამის პეიზაჟის გადაღება და არაფერი გამომივიდა. გარეთ გასვლა აღარც მიცდია, მეგონა, ტექნიკა არ მიწყობდა ხელს და არც მიფიქრია, რომ ცოდნის საკითხი შეიძლება ყოფილიყო თუნდაც ერთი უბრალო პეიზაჟის გადაღება. რას წარმოვიდგენგი თუ მომავალ წლებს სწორედაც რომ ღამით, ღია ცის ქვეშ გაყინვასა და უძილობაში გავატარებდი.

პირველი მცდელობის შემდეგ, შემთხვევით ერთ-ერთ საჯარო ლექციაზე გადავიკვეთე Geo-Astro-ს მცირერიცხვოვან გუნდთან და ისე მოხდა, რომ აბასთუმანში ასტროფოტოგრაფიისათვის წასულთ ტურისტად გაყოლის საშუალება მომეცა. რთულია აბასთუმნის ბუნებითა და ღამის ცით გულგრილი დარჩეს ვინმე, თუმცა ამ ყველაფრის საკუთარ ფოტოზე პირველად აღბეჭდვამ ნამდვილად მომწამლა.

astrophisic ფოტოგრაფიაზოგადად, ასტროფოტოგრაფია ძალიან ჰგავს მთაში ლაშქრობას და პირიქით. ფილოსოფიური და მსოფლმხედველური შეხედულებები რომ გვერდით გადავდოთ, ორივე აქტივობა არის ხანგრძლივი „ტანჯვის“, კომფორტის ზონიდან გასვლის პროცესი – ერთი, საბოლოო ღირებულების მისაღებად. დროთა განმავლობაში კომფორტის მიტოვებაც ისეთივე სასიამოვნო ხდება, როგორც საბოლოო ნაყოფის ხილვა და ამ ყველაფერზე დამოკიდებული ხდები.

Heart And Soul Nebulae BiColor ასტრო

უკვე მე-6 წელია ქალაქიდან თითქმის ყველა გასვლა ციურ სხეულებზეა დამოკიდებული. აუცილებლად ვკითხულობ ჰოროსკოპს რომ გავიგო, რამდენად შესაფერისი იქნება ის დღე თევზებისათვის სახლიდან გასასვლელად ;დდ სად იქნება ბნელი ცა, რამდენად იქნება სინათლით დაბინძურებული, რა პოზიციაში იქნება ირმის ნახტომი, რომელ საათზე მორჩება საზღვაო ბინდი და დადგება ასტრონომიული ღამე, საიდან დაიწყებს მთვარე ამოსვლას და ა.შ. ამ ყველაფერს ძალიან დიდი მნიშვნელობა აქვს და წინასწარ გათვლას საჭიროებს ისეთი კადრის მისაღებად, როგორიც ჩაფიქრებული გაქვს.

Andromeda Galaxy (M31) ასტროფოტოგრაფიაალტიჰატში დიდი ხანია მინდოდა წასვლა. მყინვარწვერის ძირში ცოტა რამ შეიძლება იყოს არაშთამბეჭდავი, თუმცა ალტიჰატის მდებარეობა, ხედები და კეთილმოწყობილი გარემო განსაკუთრებულად დიდებულს ხდის მას.

დიდი ხანია ჩაფიქრებული მაქვს მყინვარწვერის ცის ფონზე გადაღება. 3000 მეტრს ზემოთ ცა განსაკუთრებულია – ნაკლები ატმოსფერული შრეები და ნულთან მიახლოებული სინათლის დაბინძურება კრისტალურად სუფთა ხედს იძლევა. თუმცა ასეთ სიმაღლეზე ამინდის დაგეგმვა ძალიან რთულია. მიუხედავად იმისა, რომ ნისლი და ღრუბლები მთას შვენის, ასტროფოტოგრაფებს არ გვიყვარს იმიტომ, რომ ვარსკვლავების გადაღებაში ხელს გვიშლის. სწორედ ამიტომ სალაშქროდ და გადასაღებად ისეთი დრო შევარჩიე, როდესაც ახალი მთვარე მხოლოდ ოდნავ იქნებოდა ჰორიზონტს ამოსული და ღრუბლის შემთხვევაშიც კი მთვარით განათებული მყინვარწვერისა და მისი შუქჩრდილების გადაღებას მაინც შევძლებდი.

ასტროფოტოგრაფია, მყინვარი

ასეთ ადგილებზე ლაშქრობისას ყოველთვის ვყოყმანობ მძიმე ფოტოტექნიკის წაღებას. არ არის მარტივი 15+ კილოგრამიანი ჩანთით სიარული. ყოფილა, ისე დავბრუნებულვარ, რომ ვერც ერთი სასურველი კადრი ვერ მიმიღია, მაგრამ წასვლა არც ერთხელ მინანია. ალტიჰატში აუცილებლად დავბრუნდები უფრო დიდი ხნით, უფრო მეტი უკვე ჩაფიქრებული კადრის გადასაღებად.

Night and Day in Abastumani

Fallen Brothers

Bareti Lake

Pleiades (M45)

Startrail camp

Camping Season

Milky Way Over the World

Eagle Nebula ( M16 )

Sight Georgia
Inspire to travel with us in Georgia and discover amazing spots, heartwarming hospitality and experience unforgettable moments. We share stories about travel, our unique culture, and traditions.

მსგავსი სტატიები

“ტიბაშ ჰაუსი” – საოჯახო სასტუმრო და მეგრული ტრადიციები დარჩელში

Tibash House სამეგრელოში, სოფელ დარჩელში, სულ ახლახანს გაიხსნა საოჯახო სასტუმრო „ტიბაშ ჰაუსი,“ რომელსაც ახალგაზრდა და ძალიან...

ციფრული ტექნოლოგიების მნიშვნელობა ტურიზმის ინდუსტრიაში

ციფრული ტექონოლოგიების სწრაფმა განვითარებამ ტურიზმისა და სტუმარ-მასპინძლობის ინდუსტრიაზეც იქონია გავლენა. შეიცვალა როგორც ინფორმაციის გავრცელების წყაროები,...

მყუდრო ხის კოტეჯები საქართველოში

საქართველოში დასვენების და მოგზაურობის დასაგეგმად ბევრი სხვადახვა და მრავალფეროვანი ადგილი არსებობს. ასევე ბევრია ღამის გასათევი...

გორიჯვრის 4 ექსტრემალური ველო ბილიკი X ანა ნადირაძე

გორი ველომოყვარულებისთვის საკმაოდ მიმზიდველი ადგილია, გარშემო ბევრი საინტერესო ბილიკი და ადგილია, სადაც შეგიძლია იმოგზაურო ან...

სტატიის გაზიარება

ახალი სტატიები

“ტიბაშ ჰაუსი” – საოჯახო სასტუმრო და მეგრული ტრადიციები დარჩელში

Tibash House სამეგრელოში, სოფელ დარჩელში, სულ ახლახანს გაიხსნა საოჯახო სასტუმრო „ტიბაშ ჰაუსი,“ რომელსაც ახალგაზრდა და ძალიან...

ციფრული ტექნოლოგიების მნიშვნელობა ტურიზმის ინდუსტრიაში

ციფრული ტექონოლოგიების სწრაფმა განვითარებამ ტურიზმისა და სტუმარ-მასპინძლობის ინდუსტრიაზეც იქონია გავლენა. შეიცვალა როგორც ინფორმაციის გავრცელების წყაროები,...

მყუდრო ხის კოტეჯები საქართველოში

საქართველოში დასვენების და მოგზაურობის დასაგეგმად ბევრი სხვადახვა და მრავალფეროვანი ადგილი არსებობს. ასევე ბევრია ღამის გასათევი...