fbpx
17 C
Tbilisi
შაბათი, მარტი 6, 2021

კაფე “რვას +1” – ახალგაზრდული კაფე ოზურგეთში

Reading Time: 3 Minute
კაფე „რვას+1“ მდებარეობს ოზურგეთში, გურიაში და არის ერთადერთი ლიტერატურული კაფე, რომელიც სოციალური საწარმოა. ეს ადგილი მულტიკულტურული ღონისძიებებისა და შეხვედრების სივრცე არის ადგილობრივი ახალგაზრდებისთვის. ასევე, მათი დასაქმების ადგილიც.

რვას+1 კაფე

კაფე შეიქმნა 2015 წელს საზოგადოებრივი ორგანიზაციის „ახალგაზრდა პედაგოგთა კავშირის“ მიერ.

„ეს არის ერთგვარი გაგრძელება 90-იან წლებში ჩამოყალიბებული გაზეთის, რომელსაც ორგანიზაციის ბაზაზე არსებული არაფორმალური განათლების ცენტრის ლიდერთა სკოლის მოსწავლეები ქმნიდნენ. კაფეს სახელწოდებაც სწორედ ამ გაზეთის გავლენით დაერქვა. ეს სივრცე შეიქმნა ახალგაზრდებისთვის (და არამარტო), რათა მათ ჰქონოდათ შესაძლებლობა დასწრებოდნენ საგანმანათლებლო, შემეცნებით შეხვედრებს ან თავად მოეწყოთ.“

რვას+1

გარდა ამისა, ახალგაზრდებს ამ კაფეში დასაქმების საშუალებაც აქვთ, რაც კიდევ უფრო კარგად განამტკიცებს კაფის იდეოლოგიას:

მულტიკულტურული საზოგადოების ურთიერთანამშრომლობისა და თანაცხოვრების ეფექტიანობის პოპულარიზაცია და სოციალური პასუხისმგებლობის გაზრდა ახალგაზრდებში.“

შეიძლება ითქვას, კაფე “რვას+1” არის სამუშაო, მოსასვენებელი, საკითხავი, მეგობრებთან შეხვედრების, საჯარო ლექციებისა და სხვა ღონისძიებების სივრცე.
ამასთან …
„ჩვენი კერძებიც ერთგვარი სინთეზია ქართული და ევროპული სამზარეულოსი, აქ შეძლებთ დააგემოვნოთ ისეთი გურული ტრადიციული კერძი, როგორიცაა ჭყანას (ბოსტნეული) კრემ-სუპი, რომელიც, როგორც წესი, მხალის სახით მზადდება გურიაში, მაგრამ ჩვენ შევუცვალეთ ფორმა. ასევე, გურული ხაპის (გოგრა) ჩიზქეიქი, გურიაში გოგრას ნაკლებად თუ ახსენებენ.”

კაფე გურიაშიროგორც აღვნიშნეთ,

“სახელწოდება მომდინარეობს გაზეთ “რვას+1”-დან, რომლის სახელწოდებაც სპონტანურად გაჩნდა. ახალგაზრდები, რომლებიც გაზეთზე მუშაობდნენ (ჯერ კიდევ 25 წლის წინ) თავდაპირველად მხოლოდ რვანი იყვნენ და ერთ დღეს, როცა სწორედ სახელზე ფიქრობდნენ კიდევ ერთმა მოტივირებულმა მოზარდმა შეაღო ლიდერთა სკოლის კარი და გამოთქვა სურვილი ისიც გამხდარიყო მათი გუნდის წევრი. სწორედ მაშინ გაჩნდა იდეა გაზეთს დარქმეოდა რვას+1.
მრავალი წლის შემდეგ კაფეს შექმნის გადაწყვეტილებაც მიიღო ორგანიზაციამ და შესაბამისად კაფეს სახელზეც ბევრი არ გვიფიქრია, რადგან ეს არის სივრცე, სადაც მთელი ჩვენი ისტორიაა დაცული, დაწყებული პირველი კომპიუტერიდან დასრულებული გაზეთის უახლესი გამოცემით. ჩვენთან მოსულ სტუმრებს შესაძლებლობა აქვთ თავად ნახონ და გაეცნონ იმ მასალებს, რომელიც კაფეს სივრცეშია თავმოყრილი. ჩვენ მთელი მონდომებით ვცდილობთ, რომ ადამიანებს გაუჩნდეთ მიკუთვნებულობის განცდა ამ სივრცის მიმართ და ერთხელ სტუმრობის შემდეგ ისევ დაბრუნდენ.“

კაფე ოზურგეთში

დიდი ქალაქებისგან განსხვავებით, კაფე “რვას+1” ხალხს უფასოდ სთავაზობს გამართულ ღონისძიებებზე დასწრებას და მსურველებს უსასყიდლოდ უთმობს ფართს საკუთარი ღონისძიებების გასამართადაც. კაფის ერთ-ერთი ძირეული ღირებულებაა, შეუქმნას ახალგაზრდებს საინტერესო ღონისძიებებზე უფასოდ დასწრების შესაძლებლობა, თუმცა, რა თქმა უნდა, ეს გარკვეულ ფინანსურ ხარჯებთანაც არის დაკავშირებული.

რვას+1 ოზურგეთი კაფე

ამ ეტაპზე, კაფე დროებოით არ მუშაობს, COVID-19 ის სიტუაციით გამოწვეული მიზეზების გამო. კაფე არც მიტანის სერვისზე გადავიდა, რადგან როგორც თვითონ აღნიშნავენ,

„ეს კიდევ უფრო გაზრდიდა მომსახურების და პროდუქტის ღირებულებას, რისი შესაძლებლობაც რეგიონში იმდენად მცირე პროცენტს აქვს, რომ არ ღირდა ამ სერვისის დანერგვა.“

კაფე გურიაში

ამ ეტაპზე კაფეს „რვას+1“ ვუსურვებთ წარმატებებს და ვიმედოვნებთ, რომ მალე შევძლებთ მათთან სტუმრობას.
მანამდე, კი ის ჩვენი გუნდის 2021 წლის სამოგზაურო დანიშნულებების სიას დაამშვენებს.
კაფე ზაფხულში ეზოშიც მასპინძლობს სტუმრებს, რომელზეც ამბობენ, რომ ასევე ძალიან ლამაზია.

გურიაში ბაღი ეზო რვას +1

ამასობაში კი, გაეცანით ბათუმში მდებარე, ღია კაფის ისტორიას, რომელიც ოჯახისა და მეგობრების შეხვედრების ადგილზე დაფუძნდა.

Sight Georgia
Inspire to travel with us in Georgia and discover amazing spots, heartwarming hospitality and experience unforgettable moments. We share stories about travel, our unique culture, and traditions.

Similar Posts

5 ხერხი როგორ ავირიდოთ თავიდან პროკრასტინაცია

To feel productive is a beautiful feeling სახლში გამოკეტვისას, მაშინ, როცა მზიანი ამინდიც არ არის, ცოტათი...

KARMA Hostel-ის მარტვილური ამბავი, რომელიც უცხოელებმა შექმნეს

მოგზაურობის, ახალი თაგადასავლებისა და სიახლებიისადმი მუდმივი სწრაფვის სიყვარულმა სამი ადამიანი ჯერ ერთმანეთს გადაყარა, შემდგომ საქართველოში...

ვანის ნაქალაქარი – ანტიკური ოქროს ქალაქი

1881 წლის 28 მაისს, გაზეთში „დროება“ გამოქვეყნდა სტატია, რომელიც ამბობდა, რომ სოფელში, ერთ-ერთი გორიდან ყოველი...

ტესტი: რამდენი თანამედროვე შენობა შეგიძლია ამოიცნო საქართველოში?

  ფოტოები: PSH.gov.ge, nbg.gov.ge, შინაგან საქმეთა სამინისტრო, აჭარის ავტონომიური რესპუბლიკის მთავრობის ერთიანი პორტალი, ფაბრიკა, gcaa.ge, idaaf.com

Share

New Posts

5 ხერხი როგორ ავირიდოთ თავიდან პროკრასტინაცია

To feel productive is a beautiful feeling სახლში გამოკეტვისას, მაშინ, როცა მზიანი ამინდიც არ არის, ცოტათი...

KARMA Hostel-ის მარტვილური ამბავი, რომელიც უცხოელებმა შექმნეს

მოგზაურობის, ახალი თაგადასავლებისა და სიახლებიისადმი მუდმივი სწრაფვის სიყვარულმა სამი ადამიანი ჯერ ერთმანეთს გადაყარა, შემდგომ საქართველოში...

ვანის ნაქალაქარი – ანტიკური ოქროს ქალაქი

1881 წლის 28 მაისს, გაზეთში „დროება“ გამოქვეყნდა სტატია, რომელიც ამბობდა, რომ სოფელში, ერთ-ერთი გორიდან ყოველი...