ელენე საბიაშვილი არის ქართველი პროდუსერი და DJ, რომელსაც ხალხი სასცენო სახელით Mtvare – ით იცნობს.
სამოგზაურო ფლეილისთი X Mtvare …
გაეცანით და Enjoy

1. Melqo – ATASTSLEULI (full album)

მელქოს მადლობა კოვიდისეული მოკლე მოგზაურობების გამხიარულებისთვის. რამდენჯერაც არ უნდა ჩავრთო, არ მბეზრდება და იგივე აღტაცებით ვუსმენ.

2. Westbam feat. Richard Butler – You Need The Drugs

ამას ბოლო მოგზაურობისას ბერლინის მეტროებში ვუსმენდი ხოლმე. ბერლინისეულ ნაცრისფერ ცას და სიცივეს ძალიან უხდება. როცა ყველაზე სევდიანი ვიყავი, ვგრძნობდი, თითქოს ზუსტად ჩემთვის იყო ეს სიტყვები: “you need the drugs to make the stars come down, you need the drugs to make you shine”.

3. Kruder & Dorfmeister- The K&D Sessions
2 საათიანი მოგზაურობა თუ მოგინდათ სახლიდან გაუსვლელად.

4. The Last Shadow Puppets – Miracle Aligner 

ეს სიმღერა ჩემი საუნდტრეკია, არასდროს მბეზრდება და ყოველთვის მაბედნიერებს. ძალიან უხდება გზას და მოგზაურობას.

5. Highfield Casuals – Highfield Daze

ზღვაზე მოგზაურობისას მოსასმენია. საოცრად მამშვიდებს და მაბედნიერებს.

6. Eko & Vinda Folio – თერაპია/ Therapy 

სიზმრებში მოგზაურობა ბავშვობიდან საკრალური და მაგიური იყო ჩემთვის. ცალკე სამყაროა, სადაც შენ ხარ ყველაფრის მმართველი. ძილი ჩემი საყვარელი მოგზაურობაა, მითუმეტეს იმ ადამიანთან ერთად, ვის გვერდითაც ძილი თერაპიაა.

7. Alex Turner – Submarine 

ალექს ტერნერი მეორედ მოხვდა ამ სიაში, მაგრამ შეუცვლელია და ვერც სამოგზაურო ფლეილისტში შეცვლის ვინმე.

8. Bugge Wesseltoft – Yellow is the colour – New Version 

ეს კომპოზიცია ერთი დიდი მენტალური მოგზაურობაა. ბედ თრიფიდან რომ გამოგიყვანს და ფრთებს გაგაშლევინებს.

9. Bjork – Human Behavior 

ბიორკის მუსიკა ჩემთვის კოსმოსში მოგზაურობაა.

10. The Do – Dust It Off

მუსიკა დროში გამოგზაურებს. ის იმ ადამიანთანაც გაკავშირებს, რომელსაც ვეღარასდროს ნახავ.

11. Fazer – White Sedan 

ეს მუსიკა ერთდროულად კარგ და ცუდ მოგონებებში მამოგზაურებს, მაგრამ ორივე შემთხვევაში სასიამოვნოა. საოცრად სევდიანი და ნოსტალგიურია. ამის მოსმენისას მჯერა ადამიანის და მისი ყოვლისშემძლეობის. ახლაც მბურძგლავს თითოეული ინსტრუმენტის ხმაზე. ეს ის მომენტია, როცა მუსიკა მრავალფურცლიან რომანზე მეტს გიყვება. საოცარია…

შემდეგი შეგიძლიათ Trotsky-ს სამოგზაურო ფელილისთს გაეცნოთ…